Buggati Divo е суперавтомобил од 5 милиони евра за кој се тврди дека е полесен и поагилен од моделот Chiron врз кој што е базиран.
Divo е именуван по легендарниот тркачки возач Алберт Диво, и од моделот ќе бидат направени само 40 парчиња, од кои сите се веќе продадени.
Фокусот на Bugatti Divo е аеродинамиката и се одликува со сосема нов дизајн на предницата во однос на Chiron, со големи отвори за воздух и тенки LED фарови.
На кровот има отвори оптимизирани за подобар проток на воздух, додека задниот спојлер е 23% поширок отколку оној на Chiron, чиј агол може да се модифицира во зависност во кој мод на возење се наоѓа автомобилот.
Задните фарови имаат разни OLED елементи и се изработени со користење на напредни техники со 3D принтање.
Моторот на Bugatti Divo e quad-turbo 8.0 литарски W16 со моќност од 1500 коњски сили и 1600Nm вртежен момент, спарен со 7-брзински DSG менувач и погон на сите тркала. Според Bugatti, Divo забрзува од 0-100км/ч, за 2.4 секунди, и има максимална брзина од 380км/ч.