По тизер сликите, Lamborghini и официјално го претставија новиот Huracan, со подобрувања во стајлингот, шасијата, моторот и технологијата. Првите испораки се очекуваат оваа пролет по почетна цена од 188 500 евра.
Подновениот Huracan Evo ќе го има истиот 5.2 литарски V10 мотор од сегашниот модел, но со титатниумски вентили и поголема моќност – 640 коњски сили и 600Nm вртежен момент, што е за 30 коњски сили и 40Nm повеќе од сегашниот.
Забрзувањето на Huracan Evo од 0-100км/ч. ќе изнесува 2.9 секунди, а максималната брзина над 323км/ч.
Новиот Huracan ќе го задржи постоечкиот систем за погон на сите тркала, но ќе има подобрена шасија, т.е нов систем за управување на задните тркала, како и нова LDVI (Dinamica Veicolo Integrata) централна единица за процесирање која ќе овозможува модифицирање на карактеристиките на шасијата според потребите на возачот.
Промените на екстериерот ќе вклучуваат уникатни 20-инчни алуминиумски бандажи, нов преден и заден браник, како и нови отвори за воздух. Подобрени ќе бидат задниот спојлер, предниот сплитер и задниот дифузер.
Ентериерот ќе биде во комбинација од Алкантара и кожа, а ќе биде вграден и нов 8.4 инчен infotainment систем со Apple CarPlay, сателитска навигација и интернет радио. Сè уште не се знае дали ќе биде поддржана Android Auto конективноста.