Peugeot 508 Sport Engineered концепт ќе дебитира на Geneva Motor Show

Peugeot 508 Sport Engineered концепт е моќен plug-in хибрид кој ќе дебитира следниот месец на Geneva Motor Show, а со продукција ќе започне кон крајот на следната година.

Овој концепт на Peugeot е напојуван со 1.6 литарски 4-цилиндричен турбо PureTech бензински мотор со моќност од 200 коњски сили, подржан од уште два електрични мотори – еден од 110 коњски сили на предната оска и од 203 коњски сили на задната оска.

Вкупната комбинирана моќ ќе му биде над 507 коњски сили, но бидејќи сите извори нема да можат да ја испорачуваат симултано, реалниот максимум ќе биде околу 405 коњски сили. Забрзувањето од 0-100км/ч. ќе изнесува 4.3 секунди, а максималната брзина 250км/ч.



Во суштина, 508 Sport Engineered концептот е еволуција на постоечката хибридна варијанта на 508, но со дополнителни стилски подобрувања како редизајниран преден браник, ретровизори од јаглеродни влакна, големи алуминиумски бандажи и сл.

Внатре овој модел ќе има нова командна табла, менувач чувствителен на допир, спортски волан од јаглеродни влакна, 10-инчен infotainment систем и 12.3 инчна дигитална инструмент табла.

Електричните мотори ќе бидат напојувани од батерија со моќност од 11.8kWh, а дометот на возилото само со користење на електричниот погон ќе биде 50km., а во хибридниот мод, СО2 емисиите ќе изнесуваат 50g/km.