Audi ги објавија спецификации на нивниот нов модел SQ5 TDI чии нарачки ќе започнат оваа пролет.
Под хаубата SQ5 TDI ќе има V6 турбо дизел мотор, дополнет со 48V средно-хибриден систем кој ќе го напојува и електриниот компресор, а вкупната можност ќе му изнесува 347 коњски сили и 700Nm вртежен момент.
Овој модел ќе има 8-брзински автоматски менувач и погон на сите тркала кој до 85% ќе биде испраќан на задната оска. Од Audi тврдат дека SQ5 TDI ќе забрзува од 0-100км/ч. за 5.1 секунди, а ќе има електронски ограничена максимална брзина од 250км/ч.
Благодарение на хибридниот систем, новиот SQ5 TDI ќе има потрошувачка од 14.6km/l.
Екстериерот на овој модел се разликува од стандардниот Q5 со тоа што има 20-инчни алуминиумски бандажи, LED предни фарови, редизајниран заден и преден браник и поголеми отвори за воздух на предниот, подлабок сплитер, алуминиумски ретровизори и “S” беџови.
Стандардниот ентериер на SQ5 TDI вклучува спортски седишта тапацирани со Алкантара, кожен мултифункционален волан, WiFi хотспот, 12.3 инчна дигитална инструмент табла и 8.3 инчен infotainment систем со Apple CarPlay и Android Auto.
Купувачите кои сакаат повеќе опрема може да го одберат SQ5 TDI Vorsprung изданието т.е тримот, во кој спаѓаат тапацир од Напа кожа, Bang & Olufsen стерео систем, активна воздушна суспензија, црвен калипер на сопирачките и 21-инчни алуминиумски бандажи во еден од 3-те понудени стилови.
Vorsprung изданието како дел од стандардната опрема ќе вклучува и дополнителна технологија за асистенција на возачот, како асистент за избегнување на судар, за активно менување на ленти, паркирање, препознавање на сообраќајни знаци, контрола при слегување од рид и автоматско сопирање во итни случаи.