Иднината на иконскиот малечок спортски автомобил на Audi кој дебитирање пред повеќе од 20 години е сè понеизвесна поради малата продажба и сè построгите закони за СО2 емисии.
Моменталниот статус на овој модел е дека тој е спремен за користење сè до појавата на EU7 (уште построги закони за емисии кои можат да бидат донесени до 2021-ва)
Изворите од Audi сугерираат дека една од идеите е да се развие „ТТ Sportback” со 4 врати како наследник на сегашниот Mk3 модел, но и да се задржи спортскиот двосед во понудата, но да биде електрифициран.
Според Hans-Joachim Rothenpieler кој е дел од тимот за технички развој на Audi вели дека двоседот TT е дел од ДНК-то на брендот и дека тој ќе се бори да ги убеди неговите колеги истиот да остане дел од понудата.
Rothenpieler вели дека електрифицираната иднина на ТТ може да вклучува и plug-in хибридни, но и комплетно електрични модели.
За автомобил како ТТ, најголем проблем е батеријата која се наоѓа на подот. Кај нормалните електрични автомобили батерискиот пакет поставен во центарот е висок 12 до 13 сантиметри со што базата за седиштата се подигнува, но за малечок спортски автомобил со две седишта како што е ТТ потребен е поразличен концепт како што е еден дел од батеријата да е во центарот, а друг дел пред предните или зад задните тркала.