Aston Martin официјално го претстави новиот DBS Superleggera Volante со максимална брзина од 340км/ч., правејќи го овој модел најбрзиот кабриолет во историјата на овој бренд.
Volante, конвенционалниот фиксен кров од DBS Superleggera купе верзијата, го има заменето со механизам од 8-слоен материјал, овозможувајќи отворање на кровот за 14 секунди и затварање за 16 секунди, кое може да се активира или од внатрешноста на автомобилот или со клуч на оддалеченост од најмногу 2 метри од автомобилот.
Моторот на Volante е ист како оној од купето – 5.2 литарски twin-turbo V12 со моќност од 725 коњски сили и 900Nm вртежен момент, и 8-брзински ZF автоматски менувач. Идентичен со купето е и ентериерот.
Забрзувањето од 0-100км/ч. е за 3.6 секунди (за 0.2 секунди побавно од купето), а забрзувањето од 80-160км/ч. во 4-та брзина изнесува 4.2 секунди.
Цената ќе започне од 286 300 евра (26 000 повеќе од купето), а кога ќе биде лансиран, најблизок ривал ќе му биде Bentley Continental GT кабриолетот.