Citroen AMI ONE концептот е компактен автомобил со димензии од само 2500mm должина и 1500mm ширина и изненадувачки пространа кабина со две седишта со простор за торби во задниот дел.
AMI ONE е направен од идентични делови – на пример, предниот и задниот панел се идентични, како и вратите (што е причината што се отвораат во спротивна насока), што ја намалува цената на производство или изнајмување, бидејќи една од употребите на AMI ONE би била да се изнајмува (како што тоа денес се прави со велосипеди) за движење низ градот.
Citroen AMI ONE е најверојатно еден од најбавните концепт автомобили претставени од голем произведувач на 2019 Geneva Motor Show и дефинитивно еден од најмалите.
Овој електричен двосед, во теорија, може да го возат млади од 16 години па нагоре, бидејќи се смета како квадрицикл. Тежи 425kg., може да постигне максимална брзина од 45км/ч., а има домет од околу 96km.
Ентериерот му е исклучително едноставен и се базира на сè поголемата употреба на смартфони. Не постои конвенционален infotainment екран и инструмент табла, а возачот треба да го постави својот смартфон во делот зад инструмент таблата, за да потоа истиот се рефлектира во видниот круг преку специјален панел, овозможувајќи интеракција (преку гласовни команди или копчиња на воланот) со бројни апликации.
Од Citroen предлагаат AMI ONE да биде возило кое ќе може или да се купи или да се изнајмува за периоди од само неколку минути па до неколку часа.