Официјална дизајнерска скица на малечка Tesla

Автопроизводителот Tesla ги претстави плановите за креирање на нов дизајн центар за истражување и развој во Кина, а како дел од таа објава беше прикажана скица како би изгледало првото компактно возило на компанијата.

Доколку стигне до фаза на производство, овој модел би се наоѓал под Model 3 во понудата на Tesla и би претставувал ривал на Volkswagen ID.3.

Дизајнерската скица е објавена во официјален документ од компанијата во кој биле опишани намерите на новиот центар и преку кој биле повикани апликанти за работа.

Во 2018-та, директорот на Tesla, Елон Маск, на акционерите им најавил дека планира да изгради компактно возило кое би било ривал на Volkswagen Golf за „помалку од 5 години“, така што е возможно новата скица да се однесува токму на еден таков модел.