Првиот супер автобус направен е од најсовремени материјали, со 23 седишта и постигнува максимална брзина од 250 км на час. Автобусот вреден осум милиони евра е направен во Холандија, а пренесен е во Обединетите Арапски Емирати, каде ќе го користи шеик кој е сопственик на транспортното средство.
Супер автобусот е висок 1,5 метар, долг 15, а широк 2,5 метра. Направен е од лесни материјали, вклучувајќи алуминиум, карбонски влакна и фиберглас. Супер автобусот има осум врати на секоја страна, што овозможува брзо влегување и излегување.
Високата технологија со која се одликува овој автобус овозможува да се мине раздалечина од 75 милји (околу 120 км) колку што Дубаи е оддалечен од соседниот Абу Даби, за помалку од 30 минути.
Автобусот е тестиран на обичните патишта околу аеродромот во Абу Даби, а неговите батерии се полнат со соларна енергија. Богатиот сопственик на супер автобусот планира да патува по регуларни патишта и со регуларна брзина и да собира патници или во Дубаи или Абу Даби.
Овој автобус е направен на Делфт универзитетот во Холандија, под диригентската палка на професорот Вубо Окелса, кој во 1985 година стана првиот Холанѓанец во Вселената, како дел од тимот на спејс шателот Челенџер.