Кога имаш пари животот е поедноставен. Можеш да си купиш сè што посакуваш и при тоа секоја желба да си ја претвориш во реалност. Оние кои сметаат дека „среќата со пари не се купува“ можеби се во право, но навистина поубаво е да си тажен во BMW отколку на улица, додека одиш пеш.
Барем тоа го докажува најновиот модел F15 BMW X5, за кој што се смета дека е еден од најлуксузните автомобили на денешницата. Во него, ќе најдете сè што може да посакате од неверојатна внатрешност до интересен дизајн, за кој сте сметале дека нема никогаш да стане реалност.
Надворешноста ја истакнува спортската страна на автомобилот заедно со големиот браник на кој има големи решетки за воздух, од страна се истакнати големите прагови од вратите, додека на задната страна се гледаат воздушните дифјузери.
За жал, се уште не се знае каков мотор поседува овој автомобил, но со сигурност знаеме дека ќе биде помоќен од 3-литарскиот N55, кој го гледавме во досегашните BMW X5 модели.