Најпрестижнoто купе на Mercedes наскоро ќе ја доживее својата премиера на авто-саемот во Њујорк, а пред тоа да се случи, на YouTube осамна видео кое го прикажува овој прекрасен автомобил реално од секој агол.
Нема да кажеме дека истото не го прават и службените фотографии, но светлото и одредените софтверски алатки можат да направат автомобилот да изгледа подобро на фотографиите отколку во живо.
За среќа тоа не е случај со S63 AMG Coupe.
Инаку како што веќе објавивме под хаубата ќе се најде 5,5 литрениот biturbo V8 мотор кој може да го најдеме во останатите нови AMG моделите, но во S Coupe ќе развива 585 KS и 900 Nm преку менувачот со седум брзини.
Според медиумските информации алуминиумската маса е намалена за 65 килограми, па потрошувачката е сведена на 10 литри во комбиниран циклус на 100 km, а забрзувањето до 100 km/h е за 3,9 секунди.
Погледнете го видеото и во коментари кажете ни што мислите. Дали новиот моќен ѕвер на Mercedes навистина изгледа добро како на фотографиите така и во живо.