BMW доминира во сегментот на луксузни автомобили од средна класа, но не и од висока. Таму господари S-класата на Mercedes. Еве како Баварците планираат да го сменат тоа.
На авто-саемот во Пекинг, BMW ни го покажа Vision Future Luxury Concept. Зад долгото име не стои, како што сме мислеле, увид во нова серија 8 или 9, туку за чудо, заборавената серија 7.
Концепт автомобилот кој многумина ги потсетува на минатогодишниот BMW Pininfarina Gran Lusso V12 Coupe исто така доаѓа со врати кои се отвораат спротивно, ласерски предни и OLED задни светла, како и иновативна технологија која би можела да ве натера да се завртите по него и уште еднаш убаво да го погледнете.
Според медиумскиот извештај на BMW, благодарение на апликација ConnectedDrive Luxury Concierge дури ќе може да се резервираат карти за опера.
Сето ова, како и прекрасниот дизајн некого ќе го импресионира, но во BMW никаде не споменуваат технологија за унпредување на динамиката на возење како Magic Body Control која ја има кај S-класата на Mercedes, или пак Active Body кај купе верзијата на сребрената стрела.
Како нам ни се чини, изгледа и новата серија 7 би можела да остане во сенка на моќната S класа.
Што мислите вие?