Како што тврдат поединечни извори, Ferrari ќе ја претстави Spider верзијата на феноменалниот LaFerrari во текот на идната година.
Деталите засега се ограничени, но најновите извештаи даваат надеж дека во 2015-та ќе имаме шанса да го видиме раѓањето на два нови суперавтомобили: LaFerrari Spider и веќе најавениот LaFerrari XX.
Производството наводно ќе биде ограничено на само 50 примероци, а се очекува цената да биде дури двојно поголема од онаа на купе изведбата.
Доколку се помине по планот, егзотичниот роадстер би можело да чини околу 1,6 милиони евра што значи дека ќе биде поскап и од Bugatti Veyron Gran Sport Vitesse.
Ferrari за две години би требало да ја лансира и напредната верзија на FF моделот, како и освежениот F12 Berlinetta. Двете возила ќе имаат стилски измени, а ќе добијат и подобрени V12 мотори. Постои и можност појавување и на основниот FF опремен со V8 bi-turbo мотор.