Иако FIAT и понатаму се обидува да го задржи во тајност конечниот изглед на својот нов модел 500X, изгледа дека тоа баш и не му појде од рака. На интернет веќе се појави првата фотографија на овој автомобил снимена во Италија.
Фотографијата која осамна на форумот од магазинот Quattroruote потврдува дека сето она што до сега го дознавме за дизајнот на моделот 500X.
Предниот дел потсетува на FIAT 500L Tracking, кој има сличен заштитен додаток на долниот дел од браникот, но и пластични елементи на праговите на возилото.
Иако, 500X ја дели платформата со моделот Jeep Renegade, двата автомобили визуелно се разликуваат – коцкастиот Renegade е спротивен на заоблениот FIAT 500X.
Италијанскиот произведувач најави дека новиот кросовер ќе ја има светската премиера на авто-саемот во Париз, во почетокот на октомври, но со оглед дека повеќе нема што да крие, се очекува FIAT и пред тоа да ги објави официјалните фотографии и техничките детали.