Одметник: LaFerrari леташе со 343 km/h?!

Италијанскиот хиперавтомобил се најде на аеродромска писта каде оствари неверојатна максимална брзина од 343 km/h. Навистина ова е вистинска штета што Ferrari не сакаше да учествува во „Пресметка на соништата“, каде еден покрај друг на една патека ќе се најдеа Porsche 918 Spyder, McLaren P1 и други ултра спортски автомобили.



Инаку LaFerrari е вториот автомобил во историјата на италијанската компанија, а прв во последните 40 години, чиј дизајн не го потпишува Pininfarina!

Од 1951 година до денеска, само два автомобила не ги дизајнирал Pininfarina. Првиот модел е Dino 308 GT4 од 1973, кој го потпишува Bertone, а другиот, како што веќе нагласивме, LaFerrari, е дело на сопствениот тим на италијанската компанија. Според некои информации La Ferrari би требало да биде првата ракета со оглед на стандардната изведба, забрзува до 100км/час за помалку од 3 секунди и достигнува максимална брзина од 350км/ч.