Секој возач знае дека гумите се менуваат кога за тоа ќе дојде време, односно во просек по 40.000 – 50.000 поминати километри. Но, некои луѓе се спремни да го ризикуваат својот живот како би заштедиле или уште потрагично, заработиле на сметка на друг.
На интернет се појави видео од Финска, во кое можеме да видиме како од стара истрошена гума настанува „нова“ со длабоки шари.
Овој „мајстор” ги засекува и отстранува лентите на гумата, добивајќи длабоки засеци, а со тоа и илузија дека станува збор за нова гума, постапка која дополнително ја ослабува и ја прави поподложна на пукање.
Иако на самата снимка стои дека станува збор за regrooving - (браздење на гуми), која исклучиво се применува за лична употреба, без намера за продажба, нема никаква гаранција колку овие гуми се безбедни, но имајќи ја во предвид постапката на „репарирање“, одговорот е јасен.
Во одредени земји браздењето на гуми се смета за илегално.