Роџер Баилон бил страстен колекционер на автомобили, а она што ги воодушевило неговите внуци ќе ве остави без зборови.
Тој собирал автомобили од 1950 до 1970 година и имал голема желба истите да ги реставрира. За жал смртта го спречила во неговата намера. Колекцијата ја наследил неговиот син Жак, кој починал минатата година, а потоа овие автомобили им припаднале на внуците на Роџер.
На почетокот тие не биле особено заинтересирани за олдтајмерите на нивниот дедо, меѓутоа еден ден решиле да повикаат стручно лице за да процени дали вреди нешто „кршот“, како ја нарекувале збирката на автомобили. Тоа што го слушнале навистина ги изненадило.
Метју Ламор и Пјер Новикоф, луѓе кои се занимавале со проценка на стари автомобили биле разочарани од збирката која очигледно не можела да се реставрира. Кога ја отвориле гаражата каде биле сместени зачуваните примероци не можеле да си дојдат на себе.
Покрај мноштвото стари автомобили, пред нив се наоѓало Ферари 250 GT SWB „калифорнија спајдер“ кое е проценето на милионска сума. Станува збор за особено вреден модел произведен во само 37 примероци. До него бил и Масерати A6G 2000 „спорт фру“, кој Италијанците го произвеле во само три примероци. „Не можевме да веруваме“ - изјавил Ламор.
Стручњаците целата колекција ја процениле на 15.500.000 евра, а во неа се нашле и Талбот - Лаго, кој бил во сопственост на египетскиот крал, како и неколку вредни Ферари, Бугати, Јагуар и сл.
Колекцијата ќе се најде на аукција на 6 февруари 2015 година.