Сакале да се согласите или пак не, Peugeot RCZ е автомобил кој не е конвенционален во морето на другите градски автомобили на патиштата.
Да бидеме попрецизни, Peugeot RCZ беше претставен во 2009-та како доказ дека оваа Француска компанија знае да отиде во спортските води. Три години покасно, поточно во 2012-та овој автомобил доби освежување, а врвот беше достигнат со R изведбата со 1.6 литрен THP мотор кој развиваше импресивни 266 KS што воедно беше и најсилниот сериски автомобил на Peugeot.
По некој природен тек на настаните сега би требало да дојде и некој нов редизајн или наследник на RCZ, меѓутоа од Peugeot најавија дека тоа било сè на таа тема, RCZ заминува во историјата.
Причината на таквата одлука е тоа што Французите се враќаат на корените, односно на стандардната основна понуда на автомобили, без никакви излети во непознато.
Лесно е да се заклучи дека RCZ не ги исполни очекувањата во финансиска смисла каде од претставувањето до денес е продаден во околу 35.000 примероци. Дури ниту RCZ Hybrid4 концептот очигледно не успеа да го спречи неминовното. Штета.