Модните блогерки секогаш се трудат да ни ги прикажат најновите модни трендови, но за разлика од порано сега и самите можеме да сме во чекор со нив благодарение на социјалните мрежи.
Социјалните мрежи веќе станаа платформа која ги лансира и диктира стиловите кои ќе владеат престојната сезона.
Реси од џинс
Фармерките се едни од најспоменуваните парчиња на социјалните мрежи. Посакувани се во сите бои и облици, но овој пат фокусот не е на нив туку на ресите кои висат од нив. Колку повеќе ги има, се смета дека се поштосни.
Ситен накит
Накитот е моден додаток со кој доколку претерате може да да изгледате кичесто. Сепак, ситниот накит може да додаде нежност на вашиот веќе совршен изглед. Се смета дека филиграните секогаш се уникатен избор на додатоци кои претставуваат одличен избор за оваа сезона.
Мрежести хулахопки
Иако имаат долга секси историја зад себе, сепак социјалните мрежи токму сега го одобрија овој моден тренд. Мрежестите хулахопки освен што го привлекуваат вниманието на останатите, важат и за едно од најинтригантните парчиња кои предизвикуваат мистерија и сензуалност.