Ким Кардашијан и Викторија Бекам се само едни од многуте селебрити дами кои ги користат услугите на доктор Харолд Ланцер, омилениот дерматолог во Холивуд.
Ланцер, кој неодамна ја објави својата книга Younger, вели дека најдобриот начин за затегнување на кожата и добивање на екстра сјај е преку неговиот метод во три чекори.
-Секогаш го препорачувам Ланцер методот, чекор 1 – ексфолијација, чекор 2 –чистење, чекор 3- потхранување на кожата. На сите мои пациенти им препорачувам да го прават тоа без разлика колку луксузна козметика користат, објаснува овој реномиран дерматолог.
Неговиот метод се разликува од традиционалната грижа на кожата бидејќи фокусот наместо на долните слоеви, е насочен на површината.
-Методите кои се фокусираат на дермисот не се ефикасни затоа што колку и да се добри состојките истите не успеваат да стигнат до него. Наместо тоа кожата треба да се стимулира за самата од себе да се обновува.
Според Ланцер ексфолијацијата создава своевидна контролирана повреда и испраќа порака до дермисот дека треба да започне со обновување со што се добиваат нови клетки кои ќе ја направат кожата помлада и посвежа.
Корисни совети за нега на лицето
ако немате средство за чистење на кожата, можете да користите и шампон за бебиња бидејќи ја отстранува нечистотијата од лицето без притоа да ја иритира кожата
пред да купите некоја крема ставете малку од неа на внатрешната страна на раката за да проверите како реагира вашата кожа на неа
чувајте ја козметиката на ладно место за да го продолжите нејзиното времетраење
секогаш мијте го лицето со млака вода затоа што жешката има тенденција да ги измие и природните масла, па кожата да ја загуби влажноста
консумирајте повеќе протеини бидејќи го стимулираат производство на колаген
намалете со солта зошто дури и многу мали количества поттикнуваат задржување на течностите