Спротивно на сте верувања дека ангелите на „Victoria’s Secret“ се изгладнуваат себе си за да го добијат изгледот кој што го гледаме на модната писта, супер моделот, Лили Алдриџ, вели дека во прашање е комбинација од здрава исхрана и соодветно избрани вежби.
-Кога си ангел треба да си во форма цела година, но пред шоуто имаш построг режим. Јас почнувам да работам на себе 2 месеци порано со цел на здрав и постепен начин да влезам во форма, вели Алдриџ.
Нејзината диета се состои од многу протеини, овошје со низок гликемиски индекс и зеленчук.
- Престанувам да пијам вино и недела дена пред шоуто повеќе не јадам солена храна. Вежбам балет, јога, пилатес и бокс. Вообичаено имам од 3 до 6 тренинзи во текот на неделата, открива таа.
Алдриџ вели дека во минатото повеќе јадела калорична храна, но сега се фокусира на органските продукти и повеќе сака да готви за себе си.
-Никогаш не сум се чувствувала подобро за своето тело и за тоа што сум жена.