На фудбалски натпревар вчера во Приштина навивачите го запалиле македонското знаме. Палењето се случило на натпреварот меѓу фудбалските клубови на Влазними и Приштина во рамките на Првата фудбалска лига на Косово.
Информацијата ја пренесуваат македонските интернет портали, додека во косовските медиуми нема ни збор за овој инцидент.
За време на натпреварот навивачите истакнале и голем транспарент на кој пишува “Monkey mania“ и “What the f*** do you know about enciklopedia“.
На инцидентот реагираше и македонското министерство за надворешни работи. Од таму велат дека ова преставува лош чин.
“Палењето е многу лоша порака. Нецивилизиран чин за најостра осуда“, велат од МНР за Нетпрес.
Засега нема реакции од косовските власти за палењето на македонското знаме.