Њујорк, 6 октомври (МИА) - Генералниот секретар на ОН Бан Ки-мун во извештај за работата на УНМИК, објавен синоќа во Њујорк, ги повика сите страни во Косово да покажат воздржаност и конструктивно да ги решаваат чувствителните меѓуетнички проблеми.
Во документот, меѓу останатото, се укажува дека состојбата во северниот дел на Косово и натаму е напната.
Според Бан, сите политички партии кои ќе учествуваат во ноември на изборите треба да ја избегнуваат „реториката на подбуцнување“, која би можела да придонесе за зголемување на насилството.
Во извештајот се изразува надеж дека сите заедници ќи видат во УНМИК и во неговото претставништво во северниот дел на Косово важен инструмент на поддршка на мирот и стабилноста во тој регион.