Загреб, 2 ноември (МИА) - Пратениците во хрватскиот Сабор со големо мнозинство и дадоа согласност на Владата да го потпише договорот за арбитража меѓу Хрватска и Словенија и изјавите за непрејудицираните граници.
„За“ договорот гласаа 80 пратеници, „против“ беа осуммина, додека 45 беа „воздржани“.
За договорот гласаа практично сите пратеници од владејачката коалиција Хрватска народна партија, додека пратениците од најголемата опозициска Социјалдемократска партија беа воздржани, освен Зоран Винковиќ и претседателскиот кандидат Иво Јосиповиќ, кои гласаа против.
Против договорот се изјаснија и пратениците од Истарскиот демократски сабор и Хрватскиот демократски сабор за Славонија и Барања, на чие чело е воениот злосторник Бранимир Главаш и независниот пратеник Драгутин Лесар.
Се очекува хрватскиот и словенечкиот премиер Јадранка Косор и Борут Пахор в среда во Стокхолм да го потпишат договорот.