Дубаи, 25 јануари (МИА) - Авганистанските талибанци ја презедоа одговорноста за нападот врз базата на НАТО во Кандахар, напоменувајќи дека тој бил насочен кон бугарскиот министер за одбрана Николај Младенов.
- Смртоносниот ракетен напад беше извршен вчера врз аеродромот во Кандахар, додека бугарскиот министер за одбрана Николај Младенов беше на пат кон него, се наведува во соопштението, објавено на една талибанска интернет страница и на други исламистички форуми, јави БТА.
- Младенов беше главната цел на тој напад, се вели во соопштението.
Според талибанците кон аеродромот биле истрелани шест ракети и една од нив паднала на 200 метри од местото, каде се наоѓал бугарскиот министер.
Четири бугарски и четири романски војници беа повредени во нападот, кој се случи доцна синоќа. Младенов не беше повреден во нападот.