Белград, 8 април (МИА) - Заменик американскиот државен секретар Џејмс Стајнберг денеска изјави дека Србија е клучен партнер на САД во регионот.
-Односите на САД и Србија се одлични, оцени Стајнберг во интервју за Танјуг.
Тој истакна дека неговата посета на Балканот претставува поддршка за лидерите во регионот за изградба на заедничка европска иднина.
-Србија е клучниот партнер на САД во регионот, рече високиот американски функционер и додаде дека САД ја поддржуваат Србија на нејзиниот пат кон членство во ЕУ и СТО.
Тој посебно ја истакна добрата соработка меѓу двете држави за регионалните прашања, како и во областа на одбраната и соработката на полицијата.