Брисел, 8 јуни 2010 (МИА) - Советот на Европската унија соопшти дека ќе го продолжи мандатот на мисијата на Европската унија на Косово- ЕУЛЕКС до 8 јуни 2012 година.
Српскиот министер за Косово Горан Богдановиќ во разговор со официјални претставници на ЕУЛЕКС во Брисел побара мисијата да го спречи секој вид насилство и да ја „стави под контрола Приштина“, како и да воспостави подобра комуникација и координација со српските власти.
Богдановиќ на средбата напомена дека за косовските Срби и за официјален Белград не е прифатлив никаков план за интеграција на северно Косово.
Српскиот министер со шефот на ЕУЛЕКС Ив де Кермабон и со генералниот директор на Генералниот директорат за надворешна политика и безбедност Роберт Купер разговараше за сите отворени прашања меѓу Белград и мисијата и за ситуацијата на Косово.