Приштина, 30 септември 2010 (МИА) - Косовскиот премиер Хашим Тачи можно е денеска да поднесе оставка, објави на својот сајт приштинскиот весник Коха диторе, повикувајќи се на неименувани извори во Собранието на Косово.
Изворите наведуваат дека повод за оставката може да биде одбивање на пратениците да разгледуваат стратегија за приватизација на Пошта и Телефонија на Косово. Весникот тврди дека Тачи од утрото е на состаноци со амбасадори на Италија, Франција, Велика Британија, Германија и САД.
Локалните медиуми во изминатите денови објавуваа дека во владејачката коалиција во Приштина односите се нарушени по оставката на претседателот на Косово, Фатмир Сејдиу бидејќи Демократската партија на Косово не сака да поддржи претседателски кандидат од Демократската унија на Косово доколку тој се бира со петгодишен мандат.
Оставката на Тачи подразбира и обврска за предвремени избори во рок од 45 дена.