Приштина, 12 ноември 2010 (МИА) - Седум луѓе се обвинети за нелегална трговија со човечки органи, соопшти денеска Мисијата на Европската унија во Косово.
- Петмина од осомничените беа обвинети за трговија со човечки органи, организиран криминал и злоупотреба на службената должност, а другите двајца за незаконска медицинска дејност, се наведува во соопштението на ЕУЛЕКС.
Меѓу обвинетите има лекари и еден поранешен висок функционер во косовското Министерство за здравство. Издадена е и меѓународна потерница за уште две лица.
Незаконската трансплантација на органи била организирана од меѓународна мрежа, а операциите се извршувале во клиниката „Медикус“ во Приштина.
Посредниците на донаторите на органи, пред се граѓани до земјите од Источна Европа им плаќале околу 25 проценти од сумата што ја добивале од реципиентите.
Од седумтемина обвинети пет се граѓани на Косово, еден е Турчин и еден државјанин на Израел.