Тирана, 18 февруари 2011 (МИА) – Лидерот на албанските опозициски социјалисти, Еди Рама за денеска најави одржување мирни антивладини протести, јави дописникот на МИА од Тирана.
- Опозицијата повторно ќе биде на плоштадот „Народни херои“ за да побара заминување на ограбувачите на овој народ и да побара слобода на народот кој е заложник од власта. Да побара заминување на Сали Бериша и одржување слободни и демократски избори, порача Рама.
Тој ги повика сите граѓани да учествуваат на протестите и да стават крај на сиромаштијата, големата корупција и злоупотреба на власта.
Масовниот антивладин протест закажан е за 16 часот, но нема најава до кога тие ќе траат. Протестот е најавен во полиција, која ги презела сите мерки на безбедност.