Топи: Никој нема право да ја блокира покана за членство во ЕУ на својот сосед

Тирана, 16 март 2012 (МИА) – Доделувањето на кандидатскиот статус на Србија за челнство во ЕУ не може да им наштети на шансите на Косово за зачленување во Унијата, изјави албанскиот претседател Бамир Топи во интервју за турскиот весник „Заман“.

- Од 2008 година  Косово е независна држава. Јас не верувам дека статусот на земја-кандидат на Србија ќе влијае на поканата за Косово за зачленување во ЕУ. Факт е дека статусот на Косово е неповратен, изјави Топи.

Запрашан дали Србија може да  го блокира напредокот во процесот за зачленување на Албанија во ЕУ, Топи вели дека не е можно една земја од Балканот да наметнува предуслови за членство на друга држава од регионт, бидејќи критериумите за прием во Унијата се јасни.

- Никој нема право на својот сосед да му ја блокира покана за членство во ЕУ, смета Топи.

Како што јави дописникот на МИА од Тирана, интервјуто на Топи за „Заман“ е дадено по повод неговата посетета на Турција, каде ја доби титулата почесен доктор на Универзитетот „Ајдин“. Во инетрвјуто Топи говори и за добрите билатерални односи и соработка меѓу Албанија и Турција.