Белград, 24 мај 2012 (МИА) - Лидерот на Српската напредна партија (СНС) и новиот претседател на Србија Томислав Николиќ денеска најави дека мандатот за формирање влада прво ќе и го понуди на својата партија.
- Вам ќе ви го понудам мандатот за состав на нова влада. Ако не го искористите ќе му го дадам на некој друг, изјави Николиќ на седницата на Главниот одбор на СНС во првото обраќање по неговиот избор за шеф на државата.
Тој на ова седница поднесе оставка на функцијата претседател на партијата, која до Конгресот на СНС ќе ја преземе неговиот заменик Александар Вучиќ.
Николиќ апелираше до СНС и до другите партии да „бидат сериозни и да не губат многу време на формирање влада“.
Новоизбраниот шеф на српската држава, исто така, истакна дека ќе побара неговата инаугурација да се одржи најдоцна до 1 јуни, а неговата прва официјална посета на Брисел ќе биде на 12 јуни.