Брисел, 20 февруари 2013 (МИА) - Високиот претставник на Европската унија Кетрин Ештон по денешната петта рунда од политичкиот дијалог изјави дека таа и премиерите Ивица Дачиќ и Хашим Тачи се задоволни од постигнатиот напредок.
-Премиерите се задоволни од значајниот напредок што го направија, како и јас, се наведува во соопштението од кабинетот на Ештон.
Наведувајќи дека Дачиќ и Тачи имале „детални“ разговори, Ештон соопшти дека премиерот на Србија и косовскиот премиер „се вратиле во своите главни градови на консултации“ и дека во Брисел ќе се вратат на 4 март.
Петтата рунда од дијалогот меѓу Белград и Приштина заврши попладнево околу 16 часот без договор.