На новата средба со кредиторите Грција нема да разговара за нови мерки за штедењеАтина, 1 септември 2014 (МИА) - Грчката Влада нема да разговара за нови мерки за штедење пред почетокот на новата серија разговори со меѓународните кредитори подоцна неделава, пренесоа американските медиуми.
-За време на тридневните разговори, што треба да почнат утре во Париз, нема да бидат разгледувани кастрења на платите или зголемувања на даноците, рече портпаролот на грчката Влада, Софија Вултепси.
На средбата, што за првпат ќе биде организирана надвор од Грција, грчката страна ќе биде претставена од министрите за финансии, за труд,за правда и за административна реформа.
Грција очекува годинава да излезе од шестгодишната рецесија, а довербата во нејзината економија постепно се враќа по четирите години строги мерки за штедење.
|