Порторико не може да врати 70 милијарди долари долгВашингтон, 29 јуни 2015 (МИА) - Гувернерот на Порторико, Алехандро Гарсија Падиља изјави дека островот нема пари за враќање на повеќе од 70 милијарди долари долг, отворајќи ја вратата на „криза без преседан“ од таа страна од Атлантикот, пишува „Вашингтон Пост“.
Во своевидна преслика на грчката криза, банкротот на Порторико исто така, има потенцијал да ги поскапе задолжувањата за владите на федералните држави ширум САД. Долгот на Порторико е четири пати поголем од оној што предизвика банкрот на Детроит во 2012 година.
Како слободна придружна држава на САД, Порторико има најголем долг по глава на жител во Америка и во последните години бележи егзодус на населението, незапомнет уште од 50-те години на минатиот век.
Слично како и Грција, Владата во Порторико се обиде дефицитот да го контролира со зголемување на даноците, намалување на јавната управа и резовите во пензискиот систем, но напорите се покажаа неуспешни, а овие потези дополнително ја забрзаа акумулацијата на долгот, отежнувајќи ги напорите да се поттикне економијата, пошува „Вашингтон Пост“.
|