Општина Василево ја проширува водоводната мрежа во Нова Маала

Василево, 31 мај 2016, (МИА) - Екипи на ЈПКД „Турија“ од Василево вршат реконструкција и проширување на дел од водоводната мрежа во населеното место Нова Маала. 

- Паралелно со тоа се врши и проширување на мрежата со што ќе им се овозможи на дел од домаќинствата кои досега не беа приклучени да се приклучат на водоводот истовремено стварајќи услови и за изградба на нови куќи во делот од селото каде се врши проширувањето, информираат од ЈПКД „Турија“.

Вкупната должина на водоводната мрежа е околу 400 метри, а средствата се обезбедени од општина Василево.

- Деновиве општината ќе отпочне постапка за јавна набавка за изготвување техничка документација за доградба и реконструкција на филтер станицата во Доброшинци, за што средствата се веќе обезбедени од Министерството за животна средина и просторно планирање преку Програма за инвестирање во животната средина, информира градоначалникот на Василево, Ванчо Стојанов.