Кампања за наплата на даноци во Богданци

Богданци, 20 јуни 2013 (МИА) - Под мотото „Јас можам, јас плаќам данок на имот“ општина Боданци почна кампања за со цел поголема наплата на даноците.

Во буџетот на оваа локална самоуправа лани се слеале 9,8 проценти, односно од планираните 2,6 милиони денари, наплатен е износ од 637.602 денари.

Целта на кампањата е да се подигне јавната свест за намената на даночните средства со кои локалната самоуправа ги остварува годишните програми во сите сфери како и обврските кон граѓаните.
- Повод за почеток на кампањата е да дадеме важност на општинската администрација за стекнување поголема доверба од граѓаните и да дадеме акцент за важноста од нивно правилно функционирање во корист на граѓаните. Почнавме од даночното одделение поради големиот дел заостанати ненаплатени даноци, рече градоначалничката на Богданци Анастасија Олумчева и нагласи дека сите прибрани средства во буџетот ќе бидат наменски и конкретно употребени.