Љубљана, 27 ноември (МИА) - На една 77-годишна Словенка неколку минути и застанала работата на срцето, откако и била ставена вакцина против грипот А (Х1Н1), по што жената е хоспитализирана.
Словенечкиот министер за здравство Борут Миклавчич изјави дека властите проверуваат дали проблемот со срцето на пациентката се појавил како резултат на вакцината.
Две лица починаа од новиот грип во Словенија, а стотици луѓе се заразени од вирусот Х1Н1.
Во земјата пред две недели започна бесплатно вакцинирање против грипот А со вакцина на фирмата „ГлаксоСмитКлајн“. Досега се вакцинирани околу 30.000 луѓе од двемилионското население.