Киев, 16 февруари (МИА) - Украинскиот претседател во заминување Виктор Јушченко денеска изјави дека неговата најголема грешка за петте години на местото шеф на државата е актуелната премиерка Јулија Тимошенко.
- Ако треба да зборувам за најголемата грешка во овие пет години, тогаш ќе ја кажам. Денес на тоа имам морално право. Најголема моја грешка за петте години е Тимошенко, истакна на прес-конференција украинскиот претседател.
Јушченко додаде дека „претседателската фотелја“ ја напушта како среќен човек и не се срами поради своите постапки, како и дека не планира да се сретне со Јанукович на неговата инаугурација на 25 февруари, туку по неа.
- Очевидно е дека е потребно да се разменат мислења за работите кои ми се важни, нагласи Јушченко.
Одговарајќи на прашањето дали е подготвен да биде премиер или гувернер на Националната банка по повлекувањето од претседателското место, тој истакна дека е „отворен за тие работи“, но дека може и без овие функции.
Јушченко на местото претседател стапи на 23 јануари 2005 година, по уличните протести на кои тој и Тимошенко го примораа повлекувањето од изборната трка на тогашниот премиер, а сега избран шеф на државата Виктор Јанукович.