Бишкек, 18 јуни 2010 (МИА) - Шефот на привремената Влада на Киргистан, Роза Отунбаева смета дека бројот на загинатите во јужниот дел од државата е десетпати повеќе отколку официјалните податоци.
- Јас мислам дека бројката е десетпати повисока отколку официјалните податоци (191 жртва). Во селските региони има многу загинати, а наш обичај е погребување веднаш, до залез на сонцето, вели таа во интервју за Комерсант.
Отунбаева денеска заминува во тој регион за да се запознае со ситуацијата која според неа е нов вид на тероризам - меѓуетнички судири, и зад тоа стои семејството на поранешниот претседател Курманбек Бакиев.
- Сега работат истражни групи. Бидејќи тоа беа масовни убиства, се бара и меѓународна истрага, нагласи Отунбаева.
Според неа, Киргистан очекува одговор од Русија за молбата за помош во обезбедување на стратешките објекти. Помош била побарана и од САД, од базата во Манас.