Берлин, 1 декември 2011 (МИА) - Сојузното државно обвинителство на Германија води истрага во врска со можните планови на Иран за напад на Германија, потврди денеска сојузниот државен обвинител Харалд Ранге.
- Ние имаме една истражна постапка во оваа област, истакна Ранге, потврдувајќи ги со тоа сознанијата на таблоидот „Билд“, додека шефот на Сојузната криминалистичка служба Јерг Зирке нагласи дека во овој момент не гледа никаква непосредна опасност од Иран.
Според „Билд“, Иран најверојатно планира, во случај на напад од страна на САД, да ги нападне американските бази во Германија.