Словачки пратеници голи против пратеничкиот имунитет

Братислава, 31 јануари 2012 (МИА) - Словачки пратеници се соблекоа во рамките на кампањата против пратеничкиот имунитет, за што се расправа во Парламентот.

Фотографија од 17 пратеници од либералната партија „Слобода и солидарност“ беше поставена на транспарент на која пишуваше „Да им дадеме можност на пратениците да се ослободат од имунитетот. Тоа беше објавено на „Фејсбук“ и објавено на насловната страница во најголемиот словачки таблоид „Нови час“.

„Слобода и солидарност“ наведува дека пратениците се луѓе како и другите и немаат потреба од привилегии како што е имунитетот.

Согласно словачките закони пратениците за време на нивниот мандат имаат привилегија да бидат заштитени од судско гонење, со која многу пратеници ги избегнаа санкциите за возење под дејство на алкохол.

Во 2010 година партијата „Слобода и солидарност“ беше иницијатор за распишување на референдум за укинување на некои пратенички привилегии, но гласањето беше откажано како невалидно поради слабото учество.