Гетеборг, 30 април 2012 (МИА) - Украинскиот амбасадор во Шведска беше повикан во Министерството за надворешни работи во Стокхолм за да даде објаснување за фотографиите на кои на поранешната украинска премиерка, Јулија Тимошенко, има модринки на телото по наводното физичко малтретирање во затворот, јави дописникот на МИА од Гетеборг.
Тимошенко издржува седумгодишна затворска казна, а против неа е покренато обвинение и за други кривични дела.
- Останува да се види дали Шведска ќе добие некаков разумен одговор од украински институции, вели шефот на шведската дипломатија Карл Билд за шведската телевизија „ТВ4“.
Билд потенцира дека е важно со внимание да се следи случајот на Тимошенко и да се води дијалог околу тоа.