Париз, 15 мај 2012 (МИА) - Претседателот на Уставниот совет на Франција, Жан-Луи Дебре официјално го прогласи Франсоа Оланд за претседател на Француската Република, јавува дописникот на МИА од Париз.
Дебре потсетувајќи на изборните резултати од 6 мај 2012 го прогласи Оланд за претседател на Француската Република, седми по ред во петта република од 1958 и дваесет и четврти од 1848, нагласувајќи дека тој сега ја претставува Франција и францускиот народ.
Никола Саркози по скоро четириесет минутниот разговор с новоизбраниот претседател Франсоа Оланд, придружувани од нивните животни придружнички Карла Бруни и Валери Трајрвалер ја напушти Елисејската палата.
Во Елисејската палата на Оланд му беше врачено одликувањето на Мајстор на легијата на честа
Оланд точно во десет часот пристигна во Елисејската палата каде беше пречекан од Саркози за примопредвањето на претседателската функција.
Доаѓањето на Оланд во Елисејската палата беше проследено од мотоцикли на кои беа поставени мобилни телевизиски и радио екипи и фоторепортери.
Автомобилот на претседателот Оланд, на празните улици што е новина, застануваше на црвените светла.
Свечената церемонија на примопредавањето на власта беше директно пренесувана на француските телевизиски и радио канали.