Париз, 15 мај 2012 (МИА) - Претседателскиот авион во кој се наоѓаше новоизбраниот шеф на француската држава Франсоа Оланд денеска беше погоден од гром на пат кон Берлин, поради што мораше да се врати во Париз.
Во инцидентот никој не е повреден, а Оланд во Берлин замина со друг авион.
|
Претседателскиот Falcon 7X jet | |
Поради тоа Оланд со задоцнување од еден час и половина ќе пристигне на првата средба со германската канцеларка Ангела Меркел.
Франсоа Оланд денеска и официјално стана претседател на Франција, преземајќи ја должноста од неговиот претходник Никола Саркози за време на церемонијата во Елисејската палата. Со тоа стана првиот социјалистички шеф на државата по Франсоа Митеран.