Земјотрес со интензитет од 5,7 степени по Рихтер ја потресе утринава во 7 часот по Гринич североисточна Италија.
Епицентарот на земјотресот бил во област Емилија-Романа, областа која пред десет дена беше погодена од земјотрес во кој загинаа шест лица, а илјадници луѓе ги напуштија своите домови.
Земјотресот бил почувствуван во цела северна и централна Италија - од Болцано, во близина на границата со Австрија, до Милано, како и во Болонња, Тоскана, Фиренца и Пиза, каде што луѓето во зградите биле превентивно евакуирани.
Според првичните информации нема жртви и материјална штета. Изминативе десетина дена на Апенинскиот полуостров беа регистрирани бројни земјотреси, како во северниот така и во јужниот дел. Вчера беше регистриран земјотрес од 4,3 степени според Рихтеровата скала.