Рим, 29 мај 2012 (МИА) - Два нови силни земјотрес ја погодија попладнево североисточна Италија, само четири часа по потресот од 5,8 степени во кои загинаа најмалку 10 лица.
Како што јавија локалните медиуми, првиот потрес со интензитет од 5,3 степени според Рихтеровата скала се случил околу 13 часот по средноевропско време, а само пет минути подоцна е регистриран и втор земјотрес од 5,1 степени.
Епицентарот на најсилниот денешен земјотрес, што се случи околу девет часот, беше во околината на Модена, на длабочина од 9,6 километри под површината на земјата.
При потресот загинаа три лица во Сан Феличе сул Панаро, две во Мирандола, три во Финале Емилија, едно во местото Роверето сул Сечиа и едно во местото Чавежо.
