Тбилиси, 1 октомври 2012 (МИА) - Почнаа парламентарните избори во Грузија на кои главната борба ќе биде меѓу партијата „Единствено национално движење“ на претседателот Михаил Саакашвили и опозициската коалиција „Грузиски сон“ на милијардерот Бидзина Иванишвили.
На изборите за 150 пратеници во Парламентот на Грузија право на глас имаат вкупно 3,6 милиони гласачи.
Според изборниот законик, изборите ќе се сметаат за успешно спроведени без разлика на бројот излезени гласачи.