Берлин, 10 јуни 2013 (МИА) - Илјадници луѓе се евакуирани од своите домови во Источна Германија, откако реката Елба ја проби браната и се излеа, додека надојдениот Дунав се приближува кон Будимпешта каде војници и волонтери поставуваат насипи.
Области од северниот и јужниот дел на главниот град на Унгарија веќе се под вода, додека во центарот на градот е поставената брана во висина од 9,30 метри поради што нема поголема опасност од поплава, пренесува Танјуг.
Според официјалните лица околу 8.000 волонтери и специјализирани екипи во Будимпешта работат на зајакување на браните со помош на вреќи со песок.
Во поплавите низ Европа досега загинаа најмалку 21 лице, откако реките Дунав, Елба и Влтава се излеаја по поројните дождови во Централна Европа.