Протестен марш на Средношколскиот пленум

Скопје, 21 октомври 2015 (МИА) - Средношколскиот пленум попладнево одржува протестен марш во Скопје со барања да се измени екстерното тестирање и пленумот да се вклучи во подготовка на нов концепт на полагање државна матура.

Бараат новиот модел на државна матура да важи за идните генерации средношколци, а сите што сега се во средно образование тој завршен испит да го полагаат како и учениците во изминатите години.

Средношколците кои учествуваат во протестот тргнаа од Градскиот парк и стигнаа пред Министерството за обрзование и наука, каде што бараат средба со ресорниот министер Абдилаќим Адеми за да разговараат за прифатливи реформи во образованието. Во спротивно најавија порадикални мерки.

Тие велат дека со министерот Адеми немале средба од крајот на минатата учебна година кога спроти МОН беше поставен нивниот штрајкувачки камп.